Dizze 4 mannen sjonge oer it hiele libben. Tink oan tema’s as : leafde, Heitelân, freonskip mar ek oer saken as persoanlike wrakselingen en de dea. Harren muzyk hat ferskeidene ynfloeden. Folk, indy, rock, punk, alles hearst werom. De misje fan Sjoerd ensa is dan ek om Fryslân wer op de kaart sette en sjen litte dat de Fryske taal eat is om GRUTSK op te wêzen. Fan ballads oant yntime settings oant feestjûnen. Alles kin mei Sjoerd ensa. 

It unike lûd en de eigen nûmers fan PULSE binne in ferfrissende miks, ynspirearre troch de ferskillende muzykstylen fan harren heiten en fol mei libbensûnderfiningen fan de jongerein yn al syn nuânses. Ferwachtsje in boeiende kombinaasje fan de tiidleaze rock-‘n-roll fan de Rolling Stones, de rauwe grunge fan Nirvana en de enerzjy fan Herman Brood en syn Wild Romance, en old school punk van De Chats. Frontman Daan lit mei syn rûge stim de muzyk troch dyn ieren pulsearje!

ASBEST, Das best! Mit bier, sjek n’ anpotende boererock, komm’ disse 3 jonge honden vanuut t’ Stellingwarfse platteland de bende op stelten zette! Brent Trave zit med’n zak vol pit achter t drumstel te raggen, Ritme Roan loat de vloer op n’ neer trillen mit zien bassgitaar, en Jannes Scheltinga bleerd iederene de tente uut! Teksten over kroeg avonturen, fixerij, drank n’ rokerij, onderbouwd deur n’ scheurend stellegie roeghouwers! Woar ie nu bin, of woar ie bin west, ASBEST, das best!

Get ready to rock your socks off!  Want ast by Bildtstar noch altyd tinkst oan ierappels, hast de lêste tiid ûnder in stien libbe! Dizze mannen hawwe keihurd wurke om harren muzyk de wrâld yn te blazen, en op 6 July binne se by ús te bewûnderjen! Raw oldschool, fast and trashy, with that glimmering hint of shiny class rock and roll”, dat is Bildtstar.

Nei alle machtige bands slute we dizze wylde edysje fan MILF ôf mei de hits fan Pieter Sahieter! Mei ferskes as Woanskip mei Anneke Douma, In Nije Dei mei De Kast en Gjin Gesodemieter mei De Doelleazen, is Pieter Sahieter útgroeit tot dé ôfsluter fan de Fryske feesten en festivals.

Ast it festival terrein opkomst en dyn earste bierke drinkst, lekker geniete fan noflike muzyk fan echte finyl plaatsjes! Finyl DJ Wietse komt se foar ús draaien op MILF!

Dizze band út eigen doarp sjochst ek op 6 july! Sy spylje benammen rock, rythm & blues en in fleuchje country út de jierren 50, 60 en 70 mei no en dan in útstapke nei oare desennia.

Metallica tribute Damaged Justice ek op MILF! Dizze ervaren muzikanten spylje net allinnich Metallica, se libje it! Mei eksplosive muzyk, enerzjy op it poadium en in yndrukwekkende ljocht- en gelûdshow bringe sy âlde tiden wer ta libben.

Too Sloeg en de Watjongs is een band die niet vies is van een biertje of twee of drie of… Ze nemen het leven niet al te serieus en dat geldt ook voor hun sloege muziek. Soms gaat het mis, soms gaat het goed maar ze doen hun best. Wel staan ze altijd garant voor een avond vol gekkenhuis watjong.

Dizze band spilet meardere sjenres. Meast punk, ska en folk, mar ek reggae, sigeuner en rock-‘n-roll komme foarby. Nei eigen sizzen lestich om dan de fuotten op de grûn te hâlden! Dêr wolst by wêze dochs?